Գեղարքունիքի մարզում այսօր՝ հուլիսի 30-ին, թունավորման ախտանիշներով 20-ից ավելի երեխաներ են տեղափոխվել Մարտունու բժշկական կենտրոն: Այս մասին NEWS.am-ի թղթակցին ասաց մարզպետարանի Առողջապահության վարչության պետ Անուշ Պողոսյանը:
«Երեխաները միջին եւ թեթեւ ծանրության են: Մի մասն արդեն դուրս է գրվել հիվանդանոցից, մյուսները դեռ հետազոտվում են: Թե որն է թունավորման պատճառը, այս պահին հստակ ասել չենք կարող. եւ ջրից, եւ սննդից նմուշառումներ են վերցրել»,- ասաց Անուշ Պողոսյանը:
Նշենք, որ երեխաները հիվանդանոց են տեղափոխվել մարզի Ծովինար գյուղում գործող ամառային ճամբարից, որը պատկանում է Երկրապահ կամավորականների միությանը:
NEWS.am-ի թղթակցին ճամբարից, սակայն, հրաժարվեցին որեւէ տեղեկատվություն տրամադրել՝ նշելով, որ «իրենց ճամբարից ոչ ոք հիվանդանոց չի գնացել»: Մանրամասների համար նրանք հորդորեցին դիմել «վերեւներին»:
