«Գահերի խաղը» հայտնի սերիալի հսկայական սառցե Պատը ցանկանում են զբոսաշրջային վայր դարձնել: Այս մասին գրում է Belfast Telegraph-ը:
Պատը գտնվում է Հյուսիսային Իռլանդիայի Անտրիմ կոմսությունում, Իռլանդական ծովի հարեւանությամբ: «Գահերի խաղի» նկարահանող խումբը նախկին գործարանը վերածել է Գիշերային դիտակետի:
Ըստ Gazeta-ի, հիմա տեղի իշխանությունները ցանկանում են, որպեսզի HBO հեռուստաալիքը սերիալի նկարահանումներից հետո թողնի դեկորացիան, քանի որ Պատը կարող է զբոսաշրջային հիթ դառնալ:
«Գահերի խաղի» նկարահանումներն անցկացվում են Հյուսիսային Իռլանդիայում, Մարոկկոյում, Իսլանդիայում եւ Խորվաթիայում: Ավելի վաղ հաղորդվել էր, որ սերիալի նկարահանումները երկարաձգվել են եւս երեք տարով:
Նախկինում «Հոբբիտ» եւ «Մատանիների տիրակալը» ֆիլմերի՝ Նոր Զելանդիայում անցկացված նկարահանումների որոշ վայրեր արդեն տեսարժան վայրեր են դարձել: