Հայկական արտադրության հագուստի մոդելները սեպտեմբերին կցուցադրվեն Մոսկվայում։ Այս մասին NEWS.am –ի թղթակցին հայտնեց Հայաստանի թեթեւ արդյունաբերության գործատուների միության համանախագահ Հովսեփ Պողոսյանը։

Ցուցադրությանը պլանավորում են մասնակցել 10 ընկերություն, որոնցից 8-ը՝ Միության անդամներ։ Հայկական ձեռնարկությունների մասնակցությունը կկազմակերպի «Հայաստանի զարգացման հիմնադրամը»։

«Հիմնականում կլինեն մեր մոդելագործների կարած հավաքածուները, որոնք նախատեսված են արտահանման համար։ Հուսամ, նրանք կգրավեն ռուսաստանցի գնորդներին եւ ոչ միայն»,- հայտարարեց Պողոսյանը։

Հիշեցնենք, որ 2014.թ ավարտին 2015թ. սկզբին ՄԱԿ Արդյունաբերական զարգացման կազմակերպության (UNIDO) ծրագրի շրջանակներում Իտալիայի թեթեւ արդյունաբերության ոլորտի խորհրդատուները Հայաստանում ուսումնական դասընթացներ էին անցկացրել։