Լիբիայի նախկին նախագահ Մուամար Քադաֆիի կողմնակիցները նրա տապալումից ի վեր առաջին անգամ Բենղազիում ցույց են կազմակերպել ի աջակցություն Քադաֆիի։  Ինչպես գրում է «Ալ Վասատ» կայքը, ցուցարարները անցել են քաղաքի կենտրոնական փողոցով՝ վանկարկելով «Ո՛չ ՒՊ-ին», «Ո՛չ «Մուսուլման եղբայրներին»։

Ակտիվիստները իրենց ձեռքերում պահել են Քադաֆիի ժամանակաշրջանի Լիբիայի Հանրապետության դրոշները։ Ցուցարարները պահանջում են ազատել բանտարկության մեջ գտնվող Քադաֆիի որդիներին՝ Սաադին եւ Սեյֆ ալ Իսլամին։ Նշենք, որ նախօրեին բանտում Սաադի Քադաֆիի խոշտանգումները պատկերող տեսագրություն էր հայտնվել, որի իսկությունը ստուգում է դատախազությունը, գրում է ՏԱՍՍ-ը։

Սեյֆ ալ Իսլամը 2011թ.-ից բանտարկված է Լիբիայի Զինթանա բանտում։ Հուլիսի 24-ին Տրիպոլիի վերաքննիչ դատարանը հեռակա կարգով Սեյֆին եւ 8 բարձրաստիճան պաշտոնյաների մահվան էր դատապարտել։