Կոալիցիան քաղաքական ուժերին կստիպի փոխզիջման ուղիներ փնտրել: Այդ մասին օգոստոսի 24-ին լրագրողներին հայտարարել է Հայաստանի Հանրապետական կուսակցությունից խորհրդարանի պատգամավոր Վարդան Այվազյանը` պատասխանելով NEWS.am-ի թղթակցի հարցին:
Սահմանադրական փոփոխությունների նախագիծն առաջարկում է 2 փուլով խորհրդարանական ընտրություններ անցկացնել: Եթե առաջին փուլում ոչ մի ուժ ավելի քան 50% չհավաքի, մինչև երկրորդ փուլտըստիպված կլինի միավորվել այլ ուժերի հետ ընտրազանգվածին գրավելու համար, նկատել է նա:
Ի պատասխան այն դիտողությանը, թե Հայաստանում դաշինքներ կազմելու մշակույթը զարգացած չէ և կոալիցիոն համաձայնությունների իրականացման երաշխիքներ չկան, «Բարգավաճ Հայաստանից » Միքայել Մելքումյանը հայտարարել է. «Եթե երկրորդ փուլ անցնող երկու կուսակցությունից մեկը չհամաձայնի այդ ուժերի պահանջները ներառել իր օրակարգում, նրա հետ ուղղակի չեն միավորվի: Իսկ եթե ընդունի, բայց հետո չիրականացնի, ստիպված կլինենք սպասել հաջորդ ընտրություններին»: