Նախատեսվում է ջրի սակագնի բարձրացում: Այս մասին ակնարկվում է Ջրամատակարարման եւ ջրահեռացման ոլորտի ռազմավարության եւ ֆինանսավորման ծրագրում, որը ՀՀ կառավարության հավանությանն արժանացավ սույն թվականի հուլիսի 13-ին, հաղորդում է «ԷկոԼուրը»:
«Ներկայումս, ջրի գործող սակագները բավականին ցածր են լիարժեք ծախսերից եւ չեն ծածկում նույնիսկ ՇեւՊ (շահագործում եւ պահպանում) ծախսերը:
«Հայջրմուղկոյուղի›› ՓԲԸ մասով սակագները չեն վերանայվել 2009թ.-ից ի վեր, 3ՏՋԿ («Լոռի-ջրմուղկոյուղի», «Շիրակ-ջրմուղկոյուղի» եւ «Նոր Ակունք» փակ բաժնետիրական ընկերություններ) համար՝ 2010թ.-ից: Այդ կապակցությամբ, ՀՀ կառավարության 2014 թվականի օգոստոսի 14-ի N 883-Ն որոշման համաձայն սակագինը պետք է ներառի պահպանման եւ վերանորոգման ընդլայնված աշխատանքների ծախսերը, ինչը կապահովի ջրամատակարարման համակարգի նորմալ գործունեությունը եւ պահպանումը»,-մասնավորապես նշված է ծրագրում:
Կառավարության վերանշյալ որոշման կատարումը ապահովելու միջոցառումները` լրիվ ինքնածախսածածկող սակագնին անցման փուլի տեւողությունը եւ ձեւը, պետք սահմանվեն մինչեւ 2015թ. նոյեմբերը: Սակագների սահմանման վերաբերյալ տեղեկատվություն հանրությանը կտրամադրվի 2016թ-ի հունիսին:
Ջրամատակարարման եւ ջրահեռացման ոլորտի ռազմավարության եւ ֆինանսավորման ծրագիրը նախատեսված է 2016-2030 թվականների համար: