Եգիպտոսի ընտրական մարմինները հայտարարել են, որ այս տարվա հոկտեմբերին ու նոյեմբերին երկրում խորհրդարանական ընտրություններ կանցնեն, որոնք կլինեն առաջինը ՝ ավելի քան երեք տարվա մեջ:
Վերջին եգիպտական խորհրդարանը, որում մեծամասնություն էին կազմել իսլամիստները, ցրվել էր 2012թ.:
Մեկ տարի անց՝ երկրի առաջին ընտրված նախագահը՝ Մուհամեդ Մուրսին, որն իր թեկնածությունն առաջադրել էր «Մահմեդական եղբայրներ» իսլամական շարժման աջակցությամբ, տապալվեց զինվորականների կողմից, հայտնում է BBC -ի Ռուսական ծառայությունը:
Պաշտպանության նախկին նախարար գեներալ Աբդել Ֆաթահ ալ-Սիսին, որը երկրի նախագահ է ընտրվել անցած տարի, այդ ժամանակվանից հռչակագրերի ձեւով բազմաթիվ օրենքներ է հաստատել:
Խորհրդարանական ընտրությունները, որոնք ի սկզբանե նշանակված էին 2014թ. բազմիցս հետաձգվել են:
