Երևանի փոխոստիկանապետ Վալերի Օսիպյանը չգիտի, թե իր ընտանիքն ինչքան է վճարում ծախսած էլեկտրաէներգիայի դիմաց, քանի որ նրա մայրն է վճարումները կատարում: Այս մասին այսօր՝ սեպտեմբերի 1-ին, լրագրողների հետ զրույցում ասաց փոխոստիկանապետը, որը բաղրամյան փողոցում ղեկավարում է ոստիկանության գործողությունները էլեկտրաէներգիայի դեմ պայքարող «Ոչ թալանին» նախաձեռնության շարունակվող ակցիայի ժամանակ։
«Ես չեմ վճարում, մայրս է վճարում: Իհարկե, եթե դա ինձ համար է զգալի, պատկերացնում եմ` մեր կրտսեր սերժանտների, ենթասպաների, մյուսների համար ավելի դժվար կլինի»,-ասաց Օսիպյանը:
Վալերի Օսիպյանը նշեց, որ իր ընտանիքում չի լսել դժգոհություն, որ ծախսած էլեկտրաէներգիայի դիմաց գումարն ավելի շատ է կազմել:
Օսիպյանը քաղաքացիներին, որոնք նման խնդրի են հանդիպել, հորդորեց դիմել ոստիկանություն: