Հայաստանի ԱԳՆ-ն հերքել է տեղեկությունները, թե ահաբեկիչները գրավել են Դամասկոսի հայաբնակ թաղամասերը:

«‎Սիրիայում ՀՀ դեսպանության տվյալներով, լուրերը, թե ահաբեկիչները գրավել են ‪Դամասկոսի ‪‎հայաբնակ շրջանները, իրականությանը չեն համապատասխանում»,- Facebook-ի իր էջում գրել է ԱԳՆ մամուլի քարտուղար Տիգրան Բալայանը:

Նշենք, որ նախքան Սիրիայի  հակամարտությունը արաբական այդ երկրում բնակվում էին 60-70 հազար հայ, որոնց կեսի ավելին՝ Հալեպում։ Հայերը հաստատվել էին նաեւ Լաթաքիա, Հոմս, Կամիշլի, Հասաքե, Յաղուբիե, Ռաքքա, Քեսաբ քաղաքներում եւ մայրաքաղաք Դամասկոսում։