ՌԴ նախագահ Վլադիմիր Պուտինը լրագրողների հետ հանդիպման ժամանակ Եվրոպայում միգրանտների հետ կապված խնդիրը միանգամայն ակնկալելի է անվանել։
«Դուք գիտեք, այդ մասին մենք շատ ենք խոսել։ Ես կարծում եմ, որ դա լիովին սպասելի ճգնաժամ էր։ Եթե հիշեք ու վեր հանեք արխիվային փաստաթղթերը, մենք մի քանի տարի առաջ ասել էինք, որ խոշոր խնդիրներ են լինելու, եթե մեր այսպես կոչված արեւմտյան գործընկերները շարունակեն վարել նման սխալ արտաքին քաղաքականություն հատկապես իսլամական աշխարհում՝ Մերձավոր Արեւելքի եւ Հյուսիսային Աֆրիկայի երկրներում»,- մեջբերում է ՌԴ նախագահի խոսքը ՏԱՍՍ-ը։
Պուտինի կարծիքով՝ Եվրոպայում միգրացիոն ճգնաժամի պատճառն այն է, որ Արեւմուտքն իր չափանիշները պարտադրում է այդ երկրներին՝ առանց սոցիալ-մշակութային առանձնահատկությունները հաշվի առնելու։
