Հայաստանում անցկացվող մարտավար հրամանատարա-շտաբային զորավարժանքները կապ չունեն սահմանին իրավիճակի սրման հետ: Այդ մասին լրագրողների հետ զրույցում հայտարարել է ՀՀ ԶՈՒ գլխավոր շտաբի պետի տեղակալ Մովսես Հակոբյանը՝ մարտավարական հրամանատարա-շտաբային վարժանքների շրջանակներում:
Նրա խոսքով, վարժանքները ծրագրվել են 2014թ. նոյեմբերից: Դրանցում ներգրավված են պետական կառավարման, զինված ուժերի, բժշկական հաստատությունների աշխատակիցները, անգամ թանգարանները: Մովսես Հակոբյանը հիշեցրել է, որ նախօրեին կայացել է Անվտանգության խորհրդի նիստ, որոշում է կայացվել հանրապետությունում բարձր մարտունակության վիճակի բերել:
Վարժանքների նպատակն է ստուգել կառուցների համագործակցությունը, տնտեսական հնարավորությունները: «Նման մասշտաբի զորավարժություններ Հայաստանում առաջին անգամ են լինում: Նախկինում վարժանքներ եղել են տարբեր ոլորտներում, բայց միասին առաջին անգամ է»,- ասել է Հակոբյանը: Նրա խոսքով, վերլուծական խումբ է ստեղծվել, որը տեղեկություններ է հավաքում վարժանքների ընթացքի մասին: Արդյունքներն ամփոփելուց հետո եզրակացություններ կարվեն:
Հարցին, թե վարժանքներն անցնում են սահմանին լարվածության աճի ֆոնին, հակոբյանը պատասխանել է, թե դա ընդամենը զուգադիպություն է: