Պետք չէ համեմատել Գագիկ ծառուկյանի բարեգործությունը նրա պատգամավորական աշխատավարձի հետ: Այդ մասին սեպտեմբերի 4-ին Ազգային ժողովում լրագրողներին ասել է ԱԺ նախագահ Գալուստ Սահակյանը՝պատասխանելով ԲՀԿ նախկին առաջնորդի՝ նիստերին բացակայելու մասին հարցին:
«Ես միշտ էլ ուշադրություն դարձրել եմ նրա բացակայությունների վրա, բայց դրանք հարգելի են համարվել: Նկատեմ, որ Սահմանադրության նոր նախագծով նման հարցերի քննարկման խորհուրդ է ստեղծվելու: Եթե այժմ բացակայությունների հարգելի լինելը որոշում է ԱԺ նախագահը, ապագայում այդ հարցերը կոլեգիալ են լուծվելու»,- ասել է նա:
«Ծառուկյանն այն մարդը չէ, որ արհամարհական կերպով խոսեն իր մասին: Նա բավական լուրջ բարեգործական ծրագրեր է իրականացնում եւ չպետք է ասել, թե բացակայում է, թեպետ բյուջեից նրան աշխատավարձ է վճարվում: Առաջին եւ երկրորդ մեծություններն անհամատեղելի են»,- ասել է Սահակյանը:
