Սահմանադրական բարեփոխումները կնվազեցնեն հետընտրական հասարակական հուզումների վտանգը։ Այս մասին սեպտեմբերի 4-ին կայացած խորհրդարանական լսումների ժամանակ հայտարարեց ԱԺ փոխխոսնակ Էդուարդ Շարմազանովը։
Նրա խոսքով՝ ընտրություններից հետո բողոքի ցույցերը պատահական չեն ծագում։ Հաղթող կողմը ստանում է ամեն ինչ, իսկ պարտվողը՝ ոչինչ։ Վերջին հաշվով ընդդիմության առաջնորդը կոչ է անում ցրվել, իսկ նրանք տարակուսանքի մեջ են հայտնվում։
«Նրանք ասում են, թե մեր թեկնածուն 45 տոկոս է հավաքել, բայց մեզ ոչինչ չի հասնում։ Իսկ եթե հիմնական լիազորությունները անցնեն խորհրդարանին, ապա հաղթողը ոչ թե մեկ մարդ կլինի, այլ մի քանի։ Հաղթող կողմը որոշակի լիազորություններ է ստանում, իսկ ընդդիմությունը հստակ գծված այլ իրավասություններ։ Այլ խոսքով ասած՝ հաղթողը ոչ թե մեկն է, այլ մի քանիսը»,- հայտարարեց Շարմազանովը։
