Հայաստանի Պաշտպանության նախարարությունը զարմացած չէ Ադրբեջանում թուրքական սպառազինության առկայության փաստից: Ինչպես «Շանթ 2015» զորավարժությունների շրջանակում լրագրողների հետ հանդիպման ժամանակ հայտարարել է Հայաստանի ԶՈւ Գլխավոր շտաբի պետի տեղակալ, ԼՂՀ պաշտպանության նախկին նախարար, գեներալ-լեյտենանտ Մովսես Հակոբյանը, զարմանալի ոչինչ չկա։
Հակոբյանի խոսքով, ինքն առաջին անգամ այդ փաստին առնչվել է 1994թ. ապրիլին: «Թուրքիան երբեք չի հերքել, որ աջակցելու է Ադրբեջանին: Թուրքական սպառազինության կիրառումը զարմանք չի հարուցում: Հակառակորդը միշտ էլ կիրառել է: Մենք տեղյակ ենք: Անգամ գիտենք, թե ինչ եւ որտեղից ՝ առաքվել»,- ընդգծել է Հակոբյանը:
Պատասխանելով Ռուսաստանից Ադրբեջանին զենք առաքելու մասին հարցին, Մովսես Հակոբյանն ասել է, թե Հայաստանի ՊՆ դիրքորոշումը հրապարակվել է եւ ոչինչ չի փոխվել: Միժամանակ, ըստ Հակոբյանի, ՌԴ-ից գնած զենքը Ադրբեջանը վերջին տարիներին չի օգտագործել: