Երթի մասնակիցները վանկարկում են «Որոշողը մենք ենք», «Միացում», «Ոչ լույսի թանկացմանը», «Սերժիկ. սոտւասան»:
Ազատության հրապարակից մեկնարկեց «Ոչ թալանին» նախաձեռնության ընդդեմ էլեկտրաէներգիայի թանկացման բողոքի երթը: Երթին մասնակցում են մի քանի հարյուր քաղաքացիներ, որոնք այս պահին շարժվում են Թումանյան փողոցով: Երթի մասնակիցները վանկարկում են «Որոշողը մենք ենք», «Միացում», «Ոչ լույսի թանկացմանը», «Սերժիկ, սուտասան»:
NEWS.am–ի թղթակիցը հաղորդում է, որ երթը հսկում են մեծ թվով ոստիկաններ:
Ավելի վաղ տեղեկացրել էինք, որ «Ոչ թալանին»–ին են միացել «Հիմնադիր խորհրդարանի», «Ոտքի Հայաստանի» անդամներ։
Նշենք, որ ըստ քաղաքապետարանի արտոնագրի՝ երթը կանցկացվի Սայաթ-Նովա, Աբովյան, Ամիրյան փողոցներով եւ, Մաշտոցի պողոտայով, կավարտվի Ազատության հրապարակում։
Օգոստոսի 1-ից ուժի մեջ է մտել էլեկտրաէներգիայի սակագնի բարձրացման որոշումը: Վարչապետ Հովիկ Աբրահամյանը հայտարարել է, որ ավելացված 6.93 դրամը կսուբսիդավորվի արտաբյուջետային միջոցներից՝ «Որոտան» կասկադի վաճառքից ստացված գումարից:
Նախաձեռնությանը վրդովեցրել է, որ չնայած նախագահը հայտարարել էր, որ ամբողջ բեռը պետությունը կվերցնի իր վրա, բայց վարչապետը հայտարարել էր, որ կսուբսիդավորում կտրամադրի միայն քաղաքացիներին եւ մինչեւ 500 կվտ էներգիա ծախսող ՓՄՁ-ներին։
Նախաձեռնության անդամներն իրենց խաբված են զգում։