Ռուսաստանն ԱՄՆ-ին առաջարկում է համակարգել ջանքերը ահաբեկչության դեմ պայքարում։ Մոսկվան հույս ունի, որ Վաշինգթոնը լսել է իր դիրքորոշումը։ Այս մասին RT հեռուստաալիքին տված հարցազրույցում ասել է ՌԴ արտգործնախարար Սերգեյ լավրովը։
«Ռուսաստանն օգնում է Սիրիային պայքարել «Իսլամական պետության» դեմ։ Մենք բացատրել ենք մեր դիրքորոշումը, մենք չենք ուզում որեւէ կապվածություն ունենալ որեւէ տարածաշրջանի հետ, բայց մենք վստահ ենք, որ չենք կարող թույլ տալ, որ Սիրիան՝ որպես պետություն, փլուզվի»,- ասել է նա։
Լավրովը նշել է, որ իրենք ԱՄՆ-ին առաջարկել են կոորդինացնել ջանքերը, որպեսզի վստահ լինեն, որ ահաբեկիչների դիրքերին հասցվող ավիահարվածները համակարգված կլինեն երկրի վրա ձեռնարկվող քայլերի հետ։ «Հուսամ, որ Բարաք Օբաման լսել է Ռուսաստանի նախագահ Վլադիմիր Պուտինի բառերը»,- հավելել է արտգործնախարարը։