Ռուսաստանի նախագահ Վլադիմիր Պուտինը հույս ունի, որ Բաղդադում «Իսլամական պետության» դեմ պայքարի հարցով տեղեկատվական կենտրոնի միջոցառմանը նոր մասնակիցներ կմիանան: Այս մասին լրագրողների հետ զրույցում հայտնել է ՌԴ նախագահի մամուլի քարտուղար Դմիտրի Պեսկովը:
«Պուտինը հույս է հայտնում, որ, իհարկե, ըստ անհրաժեշտության, նոր մասնակիցներ կմիանան այդ համակարգող մեխանիզմներին: Երեկ Վլադիմիր Պուտինը խոսել է այն մասին, որ այդ կենտրոնը ինչ-որ փակ ինստիտուտ չէ, որ այն լրիվ բաց է միավորման մնացած մասնակիցների համար»,-ասել է Պեսկովը, հաղորդում է «ՌԻԱ նովոստին»:
Նրա խոսքով, Բաղդադում կենտրոնի աշխատանքին հրավիրված են նաեւ ամերիկացի մասնագետներ ու զինվորականներ: «Ցավոք, նրանք չեն մասնակցել առաջին միջոցառումներին»,-հավելել է Պեսկովը: