ԱՄՆ-ը եւ նրա կոալիցիոն գործընկերները չեն պլանավորում փոփոխել ԻՊ խմբավորման դիրքերի ուղղությամբ իրենց գրոհների մարտական թռիչքների պլանները, չնայած Սիրիայում Ռուսաստանի սկսած գործողություններին։ Այս մասին հայտարարել է ԱՄՆ պետդեպի մամուլի ծառայության ղեկավար Ջոն Քիրբին։
Հիշեցնենք, որ ՌԴ ՌՕՈւ ինքնաթիռներն այսօր՝ սեպտեմբերի 30-ին, հարվածներ են հասցրել Սիրիայի տարածքում «Իսլամական պետության» դիրքերին։
«ՌԴ Զինված ուժերի գերագույն գլխավոր հրամանատար Վլադիմիր Պուտինի որոշման համաձայն՝ ՌԴ օդատիեզերական ուժերի ինքնաթիռներն այսօր օդային գործողություններ են իրականացրել Սիրիայի Արաբական Հանրապետության տարածքում ԻՊ խմբավորման ահաբեկիչների դիրքերի ուղղությամբ։
ՌԴ պաշտպանության նախարար Սերգեյ Շոյգուն ՀԱՊԿ գործընկերներին տեղյակ է պահել, որ Սիրիայում օդային գործողությունների ընթացքում ՌԴ օդատիեզերական ուժերի օդանավերը հարվածներ են հասցնում ԻՊ ահաբեկիչներին պատկանող ռազմական տեխնիկայի, զենքի պահեստների, կապի հանգույցների, տրանսպորտային միջոցների, զինամթերքի ուղղությամբ»,- ասել է ՌԴ ՊՆ ներկայացուցիչ գեներալ-մայոր Իգոր Կոնաշենկովը։