ՌԴ նախագահ Վլադիմիր Պուտինն ու Ֆրանսիայի ղեկավար Ֆրանսուա Օլանդը քննարկել են երկկողմ հարաբերություններին վերաբերող հարցերն ու Սիրիայի խնդրը։ «Քննարկվել են ռուս-ֆրանսիական երկկողմ հարաբերությունները եւ Սիրիայի հարցը»,- ՏԱՍՍ-ին հայտնել է ՌԴ նախագահի մամուլի խոսնակ Դմիտրի Պեսկովը։
Ավելի վաղ AFP գործակալությունը, վկայակոչելով ֆրանսիական դիվանագիտական շրջանակներում իր աղբյուրները, հայտնել էր, որ Օլանդն ու Պուտինը Ելիսեյան պալատում բանակցությունների ժամանակ քայլեր են ձեռնարկել երկու երկրների մերձեցման եւ սիրիական ճգնաժամի հարցով։
Հանդիպումը տեւել է 1 ժամ 45 րոպե եւ կայացել է նախքան «Նորմանդյան քառյակի» գագաթնաժողովը։