ՀՀ նախագահը մտադիր է հավերժ կառավարել երկիրը, եւ այդ նպատակի համար օգտագործում է խորհրդարանը։ Այս մասին հոկտեմբերի 5-ին կայացած ԱԺ նիստում հայտարարեց «Ժառանգություն» խմբակցության պատգամավոր Զարուհի Փոստանջյանը։
Նրա խոսքով՝ ՀՀ խորհրդարանը հավանություն կտա Սահմանադրական բարեփոխումների նախագծին, ինչը թույլ կտա նախագահ Սերժ Սարգսյանին շարունակել իր կառավարումը՝ ժողովրդին զրկելով բարեկեցիկ կյանքի որեւէ հույսից։ «Եվ ի՞նչ պետք է անենք այդ դեպքում մենք՝ ՀՀ հասարակ քաղաքացիներս։ Լքե՞նք հայրենիքը իշխանությունների կամայականությունների պատճառով։ Ես քաղաքացիներին կոչ եմ անում կենտրոնացնել ուժերը եւ դուրս գալ փողոց՝ զանգվածային ցույցերի»,- ասաց Փոստանջյանը։
