ԱԺ ՀԱԿ խմբակցության պատգամավոր Լյուդմիլա Սարգսյանը կարծում է, որ ճիշտ է վարվել՝ նոր Սահմանադրության նախագծին կողմ քվեարկելով։
«Ես նախապես հայտարարել էի, որ կուսակցությունը լիազորել է ինձ կողմ քվեարկել, եւ կարծում եմ, որ ճիշտ եմ վարվել։ Եթե խմբակցությունը չի հարգում կամ չի էլ փորձում հարգել, ապա իրենց խնդիրն է»,- NEWS.am-ի թղթակցի հետ զրույցում ասաց Լյուդմիլա Սարգսյանը։
Պատգամավորի խոսքով՝ չի կարելի անտարբեր մնալ Սահմանադրության նկատմամբ, որը ներկայացվելու է հանրաքվեի․ «Եթե կարող ես ինչ-որ բան փոխել, պիտի փոխես։ Բայց քանի որ իմ հանդիպման վերաբերյալ արձագանքն այդ կարգի էր, ապա ես որոշեցի, որ կարող եմ անել այն, ինչ ճիշտ եմ համարում։ Թող փորձեին նորմալ ընդունել հանդիպումը, ես էլ կմտածեի՝ կողմ քվեարկել, թե ոչ։ Բայց եթե այդպես է, ուրեմն ես խնդիր չունեմ»։
