Երեւանի «Նորքի ինֆեկցիոն» հիվանդանոցում օգոստոսի 7-ին մահացած 6 ամսական Ջուլիանա Սարգսյանի գործով նշանակված դատաբժշկական փորձաքննության պատասխանը դեռ չի ստացվել: Այս մասին NEWS.am-ին հայտնեցին Քննչական կոմիտեի դեպարտամենտի տեղեկատվության եւ հասարակայնության հետ կապերի բաժնից:
Նրանց փոխանցմամբ՝ Ջուլիանա Սարգսյանի մահվան դեպքի առթիվ հարուցվել է քրեական Քրեական օրենսգրքի 130-րդ հոդվածի 2-րդ մասով, նախաքննությունը շարունակվում է:
Ավելի վաղ Քննչական կոմիտեն հայտնել էր, որ 2015թ. օգոստոսի 7-ին քաղաքացի Աղասի Սարգսյանը հաղորդում է տվել, որ նույն օրը` ժամը 12:40-ի սահմաններում, եղբոր դուստրը` Ջուլիաննա Արթուրի Սարգսյանը, Երեւան քաղաքի Արմենակյան 153 հասցեում գործող «Նորքի ինֆեկցիոն» հիվանդանոցում, բժիշկների անփութության հետեւանքով, մահացել է:
Ըստ հիվանդանոցի տնօրեն, ՀՀ գլխավոր վարակաբան Արա Ասոյանի՝ երեխայի մոտ ախտորոշվել էր երկկողմանի ծանր թոքաբորբ եւ հիվանդանոց էր տեղափոխվել արդեն ծայրահեղ ծանր վիճակում:
