ՌԴ իշխանությունների կողմից Սիրիայի կամավորականներին աջակցություն ցուցաբերելը պետության գործառույթը չէ: Այս մասին հայտարարել է Ռուսաստանի նախագահի մամուլի քարտուղար Դմիտրի Պեսկովը, հայտնում է «ՌԻԱ Նովոստին»:
«Ես չեմ կարծում: Դա պետության գործառույթը չէ»,- ասել է Պեսկովը՝ պատասխանելով Ռուսաստանի կողմից Սիրիայի կամավորական կազմավորումներին հնարավոր աջակցության մասին հարցին:
Նա նաեւ նշել է, որ Վլադիմիր Պուտինը «տվյալ հարցի շուրջ իր վերաբերմունքը չի ձեւակերպել»:
Պեսկովը հավելել է, որ ՌԴ նախագահը «հիմնականում կենտրոնացնում է ուշադրությունը այն մարդկանց վրա, որոնք «Իսլամական պետության» ազդեցության զոհն են դառնում, որոնց ուղարկում են այնտեղ, որոնք այնտեղ կուտակվում են, որոնք հայտնվում են ծայրահեղական ու ահաբեկչական կազմակերպությունների «ճիրաններում» ու կա վտանգ, որ հետագայում այդ բարոյապես խեղված մարդիկ հետ կվերադառնան»:
