Microsoft Corp.-ը ներկայացրել է պլանշետի նորացված տարբերակը եւ դյուրակիր համակարգչի իր առաջին մոդելը, որոնք նախատեսված են կորպորատիվ հաճախորդների համար: Այս մասին ասված է Microsoft-ի մամուլի հաղորդագրությունում:
Surface Pro 4 պլանշետը 12.3 մատնաչափ տրամագծով էկրան ունի՝ ի տարբերություն Surface Pro 3-ի 12 մատնաչափի: Նախորդ մոդելի համեմատ՝ նոր պլանշետի արտադրողականությունը 30%-ով ավելի է: Պլանշետի մանրածախ գինը 899 դոլար է
Ըստ «Ինտերֆաքս»-ի, նոր դյուրակիր համակարգիչը Surface Book անունն է ստացել: Microsoft-ի ներկայացուցիչ Պանոս Պանայայի խոսքով, այն «աշխարհի ամենաբարակ եւ հզոր համակարգիչ է»: Նոթբուքը 1499 դոլար կարժենա:
Սարքերի նախնական պատվերները կսկսեն ընդունել հոկտեմբերի 7-ից, իսկ վաճառքի կհանվեն հոկտեմբերի 26-ից:
Բացի այդ, Microsoft-ը ներկայացրել է Microsoft Band ֆիթնես-թրեքերի նոր տարբերակը, որը 11 տարբեր սենսորներ ունի եւ համատեղելի է առաջատար բոլոր հարթակներով սմարթֆոնների հետ: Նորույթը 249 դոլար կարժենա եւ խանութներում կհայտնվի հոկտեմբերի 30-ից:
