Նախորդ տարվա համեմատ՝ գործարարների վիճակի մեջ կա վատթարացում, որը սակայն ժամանակավոր բնույթ է կրում։ NEWS.am-ի թղթակցի հետ զրույցում նման կարծիք հայտնեց ԱԺ ՀՀԿ խմբակցության պատգամավոր, «Նուշիկյան ասոցիացիա» համահիմնադիր Գարեգին Նուշիկյանը։
«Բոլորի գործերը նախորդ տարվա համեմատ վատթարացել են, սակայն կա ժամանակավոր բնույթ է կրում, եւ պետք չէ պանիկայի մեջ ընկնել։ Ցավոք սրտի, ԵՏՄ անդամ երկրների վիճակն էլ բարվոք չէ, դա էլ հենց անմիջական ազդեցություն ունի մեր երկրի տնտեսության վրա, հատկապես Ռուսաստանի տնտեսական վիճակը»,- ասաց Գարեգին Նուշիկյանը։
Դիտարկմանը, թե ԵՏՄ-ին անդամակցելուց առաջ այլ տնտեսական վիճակի մասին էինք խոսում, գործարարը նշեց, որ այդ շուկան այժմ էլ կա, պարզապես պետք է օգտագործել․ «Մենք շատ կապված են ՌԴ տնտեսության հետ, որն այս պահին բարվոք վիճակում չէ։ ԵՏՄ-ին անդամակցելը որեւէ կապ չունի։ Պետք է միասնական աշխատել եւ դուրս գալ այս իրավիճակից»։