Սաուդյան Արաբիայի գլխավորությամբ արաբական կոալիցիայի օդուժի հարվածի հետեւանքով Եմենի Դամար նահանգում հարսանիքի արարողության ժամանակ մահացած մասնակիցների թիվը հասել է 51-ի, հաղորդում է DPA գործակալությունը՝ վկայակոչելով առողջապահության ոլորտում աշխատող իր աղբյուրին։
Ավելի վաղ հաղորդվել էր 26 զոհվածի եւ 40 տուժածի մասին, փոխանցում է «ՌԻԱ Նովոստին»։
Ավիահարվածները հասցվել էին Դամար նահանգում գտնվող երկրի մայրաքաղաք Սանայից 113 կիլոմետր դեպի հարավ-արեւելք ընկած բնակավայրին՝ պայթելով ապստամբ-հուսիների կազմակերպած հարսանեկան արարողության ընթացքում։ Զոհվածների թվում են երեք հարս եւ երկու փեսա։ Դաշինքն առայժմ մեկնաբանություններ չի տվել։