Ռուսական ավիացիան անցյալ օրերի ընթացքում Սիրիայում «Իսլամական պետություն» խմբավորման 60 օբյեկտի է հարվածել՝ 67 թռիչք կատարելով, ուրբաթ օրը ճեպազրույցի ընթացքում հայտարարել է ՌԴ ԶՈՒ-ի Գլխավոր շտաբի պետ, գեներալ-լեյտենանտ Իգոր Մակուշեւը։
«Անցյալ մի քանի օրվա ընթացքում «Հմեյմիմ» ավիաբազայից 67 մարտական թռիչք է իրականացվել։ Սու-34Մ, Սու-25ՍՄ ինքնաթիռները ահաբեկիչների 60 օբյեկտի հարվածներ են հասցրել», — ասել է նա, փոխանցում է «ՌԻԱ Նովոստին»։
Սեպտեմբերի 30-ից Ռուսաստանը Բաշար Ասադի խնդրանքով սկսել է կետային ավիահարվածներ հասցնել Սիրիայում «Իսլամական պետության» դիրքերին՝ օգտագործելով գրոհային Սու-25 ինքնաթիռներ, ճակատային Սու-24Մ, Սու-34 ռմբակոծիչներ, իսկ օդից դրանց համար պաշտպանություն են ապահովել Սու-30СՄ կործանիչները։