Ռուսական օդանավերը Սիրիայում «Հմեյմիմ» ռազմաօդային բազայից մեկ օրվա ընթացքում 64 ռազմական թռիչք են իրականացրել «Իսլամական պետություն» խմբավորման 55 օբյեկտների ուղղությամբ։ Այս մասին հայտնել է Ռուսաստանի պաշտպանության նախարարության պաշտոնական ներկայացուցիչ գեներալ մայոր Իգոր Կոնաշենկովը, փոխանցում է «ՌԻԱ Նովոստին»։
«Ռազմական թռիչքների ինտենսիվության աճը պայմանավորված է նրանով, որ Սիրիայի արաբական հանրապետության տարածքում օդային ու տիեզերական հետախուզության միջոցների բացահայտած ցամաքային նշանակետերի քանակը զգալիորեն աճել է»- ասել է նա։