ԱՄՆ նախագահ Բարաք Օբաման չի կարծում, որ Ռուսաստանի նախագահ Վլադիմիր Պուտինն իրեն մարտահրավեր է նետում Սիրիայում: Այս մասին գրում է Daily Mail-ը:
CBS հեռուստաալիքի հարցազրույցի ընթացքում լրագրողը հետաքրքրվել է, արդյո՞ք Պուտինը մարտահրավեր է նետում ԱՄՆ նախագահի ղեկավարելու կարողությանը:
Ի պատասխան Օբաման հիշեցրել է, որ Սիրիան Ռուսաստանի միակ դաշնակիցն էր տարածաշրջանում, իսկ հիմա պարոն Պուտինն այնպես է անում, որ իր զորքերը միակ դաշնակցի հետ մազի վրա մնան:
Ճշտող հարցին, արդյո՞ք Պուտինը մարտահրավեր չի նետում Օբամայի առաջնորդությանը, ԱՄՆ նախագահը պատասխանել է. «Եթե կարծում եք, որ սեփական տնտեսությունը քայքայելն ու միակ դաշնակցին սատարելու համար զորք ուղարկելն ուժի արտահայտություն է, ապա մենք առաջնորդության մասին տարբեր պատկերացումներ ունենք»: