Էլ Նինյո կլիմայական երեւույթը կարող է առանց տանիքի թողնել Եթովպիայի հազարավոր բնակիչների: Reuters-ի փոխանցմամբ, այս մասին ասված է ՄԱԿ-ի մարդասիրական հարցերը համակարգող վարչության զեկույցում:
Աղբյուրի փոխանցմամբ, Էլ Նինյոն երկակի ազդեցություն է ունենում Եթովպիայի վրա՝ երաշտ առաջացնելով երկրի հյուսիսային, կենտրոնական եւ արեւելյան հատվածներում եւ ջրհեղեղներ՝ հարավային եւ հարավ-արեւելյան շրջաններում: Սպասվում է, որ առնվազն 210.600 մարդ կտուժի ջրհեղեղներից, իսկ 105.300 հոգի էլ առանց տանիքի կմնա:
Ավելի վաղ հաղորդվել էր, որ այս տարեվերջին Էլ Նինյոն կուժգնանա եւ կդառնա ամենահզոր կլիմայական երեւույթը 1950 թվականից ի վեր: