«Նատալի-Տուրսը» հայտարարում է, որ դադարեցնում է Ռուսաստանի, ինչպես նաեւ Ղազախստանի եւ Բելառուսի տարածքում, որտեղ տուրօպերատորը պաշտոնական ներկայացուցչություններ ունի, Թուրքիայի ուղղությամբ զբոսաշրջային ծառայությունների մատուցումը», - ասվում է պաշտոնական հաղորդագրության մեջ:
Ընկերությունում իրենց որոշումը բացատրում են զբոսաշրջիկների հանդեպ հոգատարությամբ, որոնց կյանքին կարող է վտանգ սպառնալ «անկայուն քաղաքական իրավիճակի հետ կապված»: Միաժամանակ տուրօպերատորը վստահեցնում է, որ երաշխավորում է զբոսաշրջիկների առաջ իր պարտականությունների կատարումը օրենքով նախատեսված կարգով:
Ավելի վաղ Տուրինդուստրիայի ռուսական միության (ՏՌՄ) մամուլի քարտուղար Իրինա Տյուրինան, խոշոր տուրօպերատորներին վկայակոչելով, «Ինտերֆաքս-Տուրիզմ» պորտալին տեղեկացրել է Interfax-ը, որ ռուս զբոսաշրջիկները չեղյալ չեն համարում այդ երկիր իրենց ուղեւորությունները Թուրքիայի կողմից հրթիռահարված ռուսական Սու-24-ի հետ կապված արտակարգ պատահարի պատճառով:
«Բոլոր խոշոր տուրօպերատորները, որոնք կազմակերպում են ռուսաստանցիների այցը Թուրքիա, տեղեկացրել են, ոչ մի ուղեւորություն չեղյալ չի համարվել: Գործակալությունում նաեւ խոսում են այն մասին, որ ոչ մեկը չի հրաժարվում ուղեւորությունից», - ասել է Տյուրինան:
Հավելենք, որ Թուրքիան հիմնական ուղղությունն էր, որ տուրօպերատորները որպես այլընտրանք առաջարկում էին ռուսաստանցիներին Եգիպտոսի հետ ավիահաղորդակցության դադարեցումից հետո:
