ՆԱՏՕ-ն կարծում է, որ Սիրիայում խոցված ռուսական Սու-24 ինքնաթիռը խախտել է Թուրքիայի օդային տարածքը: Միջադեպի առնչությամբ Թուրքիայի նախաձեռնությամբ գումարված ՆԱՏՕ-ի Խորհրդի արտահերթ նիստից հետո այս մասին հայտարարել է Դաշինքի գլխավոր քարտուղար Յենս Ստոլտենբերգը:
«ՆԱՏՕ-ն տեղեկություններ է ստացել Թուրքիայից եւ մյուս դաշնակիցներից, որոնք, մեր գնահատմամբ, համապատասխանում են այն տեղեկությանը, որը մեզ տրամադրել է Թուրքիան»,- ասել է նա:
Ստոլտենբերգը նաեւ նշել է, որ ՆԱՏՕ-ն անհրաժեշտ է համարում զարգացնել ռազմական մեխանիզմները՝ Ռուսաստանի եւ Թուրքիայի միջեւ միջադեպերը կանխելու համար:
ՏԱՍՍ-ի փոխանցմամբ, նա հավելել է, որ «Թուրքիան արդեն կապ է հաստատել Ռուսաստանի հետ՝ խոցված ինքնաթիռի առիթով: ՆԱՏՕ-ն Ռուսաստանի հետ կապ չի հաստատել»:
Հիշեցնենք, որ Սիրիայում ահաբեկիչների դեմ օդային գործողությանը մասնակցող ռուսական Սու-24 ինքնաթիռը նոյեմբերի 24-ին խոցվել է թուրքական ՌՕՈՒ-ի կողմից: