Նոյեմբերի 24-ին մի քանի հարյուր մարդ է հավաքվել Մոսկվայում Թուրքիայի դեսպանության առջեւ՝ բողոք արտահայտելու ռուսական Սու-24 ինքնաթիռը խոցած թուրքական կողմի գործողությունների դեմ:
ՏԱՍՍ-ի փոխանցմամբ, ցույցի մասնակիցները «Հարված մեջքին», «Չե՛մ մեկնում Թուրքիա» եւ այլ գրությամբ պաստառներ են պարզել, թեւերին՝ սեւ ժապավեններ:
Հիշեցնենք, որ նոյեմբերի 24-ին Թուրքիայի ՌՕՈՒ-ն խոցել է Սիրիայում հակաահաբեկչական գործողությանը մասնակցող ռուսական Սու-24 ինքնաթիռը:
ՌԴ նախագահ Վլադիմիր Պուտինն ընդգծել է, որ Սու-24-ը որեւէ կերպ չէր սպառնում Թուրքիային, քանի որ գործողությունն իրականացնում էր Ռուսաստանում արգելված «Իսլամական պետություն» ահաբեկչական խմբավորման դեմ: Նա զգուշացրել է, որ ռուսական կործանիչի վրա հարձակումը «լուրջ հետեւանքներ» կունենա ռուս-թուրքական հարաբերությունների վրա: