ՌԴ ԱԳՆ պաշտոնական ներկայացուցիչ Մարիա Զախարովան մեկնաբանել է ԱՄՆ Պետդեպարտամենտի պաշտոնական ներկայացուցչի հայտարարությունը, որը արվել էր թուրք-սիրական սահմանին ռուսական օդանավը խոցելու կապակցությամբ։
«Հիշեք այդ բառերը։ Ընդմիշտ հիշեք։ Եվ ես չեմ մոռանա երբեք, խոստանում եմ»,- Facebook-ում գրել է Զախարովան, փոխանցում է «ՌԻԱ Նովոստի»-ն։ Նշենք, որ ավելի վաղ ԱՄՆ Պետդեպարտամենտի պաշտոնական ներկայացուցիչ Մարկ Թոները հայտարարել էր, որ չի բացառվում, որ սիրիացի թուրքմենները կատապուլտված ռուս օդաչուների վրա կրակել են նրանցից պաշտպանվելու համար։
«Եթե թուրքմենները ենթարկվել էին ռուսական օդուժի հարձակմանը, նրանք կարող էին պաշտպանվել»,- ասել էր Թոները՝ անդրադառնալով պարաշյուտով վայրէջք կատարող ռուս օդաչուների վրա սիրիացի թուրքմենների արձակած կրակին։
Զախարովան նաեւ ուշադրություն է դարձրել, թե ինչ է պատասխանել Պետդեպի ներկայացուցիչն այն հարցին, թե կարելի է արդյոք ինքնապաշտպանություն համարել անզեն օդաչուների վրա կրակելը։
«Նա ասաց, թե պարզ չէ, թե իրականում ինչ է տեղի ունեցել այնտեղ»,- նշել է ՌԴ ԱԳՆ ներկայացուցիչը։