Առաջարկվող Սահմանադրության նախագիծը ընտրություն չէ ընդդիմության եւ իշխանության միջեւ, ինչպես նաեւ՝ դեկտեմբերի 6-ի հանրաքվեն իշխանության ընտրություն չէ, ինչպես փորձ են անում ներկայացնել որոշ քաղաքական ուժեր։ Այս մասին նշել են ԲՀԿ ղեկավար կազմի ներկայացուցիչները Վանաձորում սահմանադրական փոփոխությունների քարոզարշավի շրջանակում վանաձորցիների հետ ունեցած հանդիպման ժամանակ:
ԲՀԿ մամուլի ծառայությունից NEWS.am-ին հայտնում են, որ ԲՀԿ ղեկավար կազմի ներկայացուցիչները տեղեկացրել են, որ այսօր առաջարկվող նախագծի բազմաթիվ հիմնարար դրույթներ դեռ 2007 թվականից ամրագրված են ԲՀԿ ծրագրում, եւ երկրում անցնցում իշխանության փոփոխության իրավական ճանապարհը առաջարկվող փոփոխությունները պաշտպանելն է։
Վանաձորցիների հետ ԲՀԿ ղեկավար կազմի ներկայացուցիչները քննարկեցին նաեւ երկրի սոցիալ-տնտեսական, արտաքին քաղաքական օրակարգի մի շարք հարցեր։
Նշենք, որ սահմանադրության հանրաքվեն տեղի է ունենալու դեկտեմբերի 6-ին: