Այս կեղծ, իշխանությունը բռնազավթած վարչակարգը պետք է հեռանա: Նման բովանդակությամբ ուղերձ է հղել «Ժառանգություն» կուսակցության առաջնորդ Րաֆֆի Հովհաննիսյանը:
«Այս կեղծ, իշխանությունը բռնազավթած վարչակարգը պետք է հեռանա: Իր կեղծիքն այլեւս երբեք պետք չէ փաթաթի ժողովրդի վզին: Մենք ասում ենք, որ ով «այո» նշի այդ թղթիկի վրա, ինքը մեղսակից կլինի այս վիճակի շարունակմանը: Նա կասի՝ «Աոյ» այս վարչակարգին, «այո» անարդարությանն ու աղքատությանը, «այո» բռնազավթմանը եւ մեր քաղաքացիների արհամարհանքին: ՀՀ քաղաքացին պիտի ասի, որ մենք չենք ընդունում ձեր կեղծիքը եւ ճամփու դնի այս իշխանությանը:
Մենք ասում ենք դեկտեմբերի 1-ից Նոր Հայաստան, միասին, բոլորս, ընդդիմություն, կուսակցություններ, քաղաքացիական շարժումներ: Դեկտեմբերի 7-ը պետք դառնա հարության օր, Նոր Հայաստանի օր, ապագայի օր, բոլոր մարզերում, քաղաքներում, գյուղերում: Պիտի հասկանանք, որ որեւէ մեկը մեր փոխարեն մեր երկիրը չի փոխելու, մենք միասն պիտի դա անենք»,-նշել է նա:
