Վերջին օրերին Ռուսաստանում մեր ներկայացուցչություններն ու ընկերությունները բողոքի ակցիայի անվան տակ ենթարկվում են հարձակումների։ Այս մասին հայտարարություն է տարածել Թուրքիայի ԱԳՆ-ը։
Թուրքական Milliyet-ի փոխանցմամբ՝ Թուրքիայի ԱԳՆ-ի տարածած հայտարարության մեջ նշվել է, թե իրենք կապնվել են Ռուսաստանում համապատասխան մարմինների հետ՝ պահանջելով ավելացնել Թուրքիայի ներկայացուցչությունների անվտանգության միջոցառումները։
«Նման անընդունելի վիճակի մասին մեր անհանգստությունը հայտնել ենք ԱԳՆ կանչված Անկարայում ՌԴ դեսպանին»,-նշվել է հայտարարության մեջ։