Սահմանադրական փոփոխությունների ընդունումից հետո արտաքին քաղաքականության եւ պաշտպանության ոլորտին վերաբերող հարցերով զբաղվելու է Հանրապետության վարչապետը: Այս մասին այսօր՝ նոյեմբերի 27-ին, «Այո»-ի եւ «Ոչ»-ի ռեալիթի շոուի շրջանակում Արմավիրի մարզի Ապագա գյուղի բնակիչների հետ հանդիպմանն ասել է «Այո» քարոզող Վարդան Այվազյանը՝ պատասխանելով բնակիչներից մեկի հարցին, թե նոր Սահմանադրությամբ ով է զբաղվելու բանակցային գործընթացով:
«Ներկայիս Սահմանադրությամբ այդ հարցերը վերապահված է երկրի նախագահին: Առաջարկվող նախագծում վարչապետի գործառույթն է դառնում թե արտաքին քաղաքական շփումների, թե պաշտպանության ոլորտին առնվող հարցերում որոշումներ կայացնել»,- ասել է նա:
Արման Սաղաթելյանի խոսքով՝ Սահմանադրության ընդունումից հետո Հանրապետության նախագահի հիմնական գործառույթը կլինի Սահմանադրությունը վերահսկելը:
ԱԺ ՀՀԿ խմբակցության պատգամավոր Վարդան Այվազյանի խոսքով էլ փոփոխություններից հետո երկրի նախագահին վերապահվելու է երկու հիմնական գործառույթ՝ ուղերձով դիմել ժողովրդին եւ Սահմանադրական դատարանին:
Հիշեցնենք, որ Սահմանադրական փոփոխությունների հանրաքվեն տեղի կունենա դեկտեմբերի վեցին:
