Սահմանադրական փոփոխություններով կպայմանավորվի պաշտպանության բնագավառում տարբեր մարմինների կողմից իրականացվող աշխատանքների ղեկավարման արդյունավետությունն ու Հայաստանի եւ Արցախի պաշտպանունակության հետագա ամրապնդումը: Նման բովանդակությամբ հայտարարություն են տարածել Հայաստանի ՊՆ-ի հետ համագործակցող շուրջ 2 տասնյակ հասարակական կազմակերպությունները:
Հայտարարությունում, մասնվորապես, ասվում է.
«Դեկտեմբերի 6-ին մենք կկատարենք մի ընտրություն, որը կկանխորոշի առաջիկա տասնամյակներին Հայաստանում պետական կառավարման ճյուղերի միջեւ իրավասությունների տարանջատման, ինչպես նաեւ ժողովրդավարության ամրապնդման նպատակով նրանց հանդեպ հակակշիռների ստեղծման մակարդակը: Դրանով կպայմանավորվի նաեւ պաշտպանության բնագավառում տարբեր մարմինների կողմից իրականացվող աշխատանքների ղեկավարման արդյունավետությունն ու Հայաստանի եւ Արցախի պաշտպանունակության հետագա ամրապնդումը:
Այդ օրը մենք կամ գիտակցություն ու կամք կունենանք շարունակելու պետական իրավունքի ոլորտում իրականացվող բարեփոխումները, կամ կշարունակենք հին օրենքները հարմարեցնել նոր իրողություններին:
Ուստի, մենք՝ ՀՀ պաշտպանության նախարարության հետ համագործակցող հասարակական կազմակերպությունների ղեկավարներս եւ ներկայացուցիչներս, նոյեմբերի 27-ին գումարված համատեղ նիստում մանրամասն քննարկելով ՀՀ սահմանադրական բարեփոխումների նախագծի էությունն ու նպատակները, որոշեցինք. ակտիվորեն մասնակցել դեկտեմբերի վեցին կայանալիք հանրաքվեին եւ տուրք չտալով քաղաքական այսրոպեական շահարկումներին՝ «Այո» ասել Հայաստանի Հանրապետության սահմանադրական բարեփոխումներին:
«Ղարաբաղյան պատերազմի վետերանների միություն»-Յուրի Միքայելյան,
«Միլիցիայի հատուկ նշանակության ջոկատ»-Գրիշա Սարգսյան,
«Զինվոր» համակարգող խորհուրդ»-Մարգարիտա Խաչատրյան,
«Հայ ազգային բանակում»-Գագիկ Մնացականյան,
«ՀՀ ազատամարտի վետերանների միասնություն»-Հակոբ Գրիգորյան,
«Արցախյան պատերազմին մասնակից կանանց»-ՀԿ Աիդա Սերոբյան,
«Թալիշի պաշտպան»-Միքայել Ապրեսյան,
«Ղարաբաղ»-Սիրվարդ Գալստյան,
«Անհայտ կորածների հարազատների խորհուրդ»-Ռիմա Առաքելյան,
«Գեւորգյան մարտարվեստի դպրոց»-Գեւորգ Գեւորգյան,
«Հայկական լեգեոն»-Աղասի Կարապետյան,
«Միդիա-Շանգալ» եզդիների միավորում-Ամո Շարոյան,
«Քանաքեռ-Զեյթուն համայնքի զոհվածների ընտանիքներ»-Անահիտ Առաքելյան,
«Առաջին գունդ»-Վաչագան Չիբուխչյան,
«Թալիշի արծիվներ»-Վլադիմիր Զալունց,
«Զինվորի մայր»-Անահիտ Հովնանյան,
«Հայ օգնության միություն»-Դավիթաշենի մասնաճյուղ Սուսաննա Թովմասյան,
«Միջազգային Հայ-կազակական խաղաղարար ուժերի միավորում» ՀԿ:
