ՌԴ նախագահ Վլադիմիր Պուտինը հանձնարարել է քննարկել Սիրիա ուղարկված ռուսաստանցիներին մարտական գործողությունների վետերանի կարգավիճակ տալու հարցը։ Այս մասին ասված է Կրեմլի պաշտոնական կայքում։ Հաղորդվում է, որ հարցը պետք է քննարկվի դեկտեմբերի 20-ին։
«Ռուսաստանի կառավարությանը... քննարկել ՌԴ օրենսդրության մեջ փոփոխություններ կատարելու հնարավորությունը, որով նախատեսվում է Սիրիայի Արաբական Հանրապետություն ուղարկված Ռուսաստանի Դաշնության քաղաքացիներին մարտական գործողությունների վետերանի կարգավիճակ տալու հարցը»,- ասված է նախագահի հանձնարարականում։
Հիշեցնենք, որ նոյեմբերի 24-ին Լաթաքիայի նահանգում խոցվել էր ռուսական Սու-24 ռմբաոծիչը։ Միջադեպի պատասխանատվությունն իր վրա էր վերցրել Թուրքիան՝ հայտարարելով, որ ռուսական օդուժը խախտել է իր պետության սահմանը։ Պաշտոնական Մոսկվան հերքում է այդ մեղադրանքները՝ նշելով, որ օդանավը թռիչք է իրականացրել բացառապես Սիրիայի տարածքում։ Միջադեպի հետեւանքով զոհվել էր ռմբակոծիչի օդաչուն։
