Հայաստանի իշխանություններն իրավունք չունեն սահմանադրական փոփոխությունների նախագիծը հանրաքվեի դնել: Այդ մասին նոյեմբերի 30-ի մամուլի ասուլիսին ասել է Հայաստանի Դեմոկրատական կուսակցության նախագահ Արամ Սարգսյանը: Նրա խոսքով, Հայաստանի Դեմոկրատական կուսակցությունը կոչ է արել դեմ քվեարկել այդ նախագծին:
Պատասխանելով ՀՅԴ խմբակցության պատգամավոր Արծվիկ Մինասյանի հայտարարությանն այն մասին, թե 2008-ի մարտի 1-ի ողբերգական դեպքերի կրկնության հավանականություն կա եւ պետք է ընտրություն անել դրանից խուսափելու համար, Սարգսյանն ընդգծել է. «Սա մարտի 1 չէ, եկեք չվախեցնենք մարդկանց: Սա քաղաքական պայքար է: 2 օր անց այս Սահմանադրության մասին կմոռանան, որովհետեւ երկիրը երբեք չեն կառավարել հիմնական օրենքի վրա հենվելով»:
Հիշեցնենք, որ սահմանադրական փոփոխությունների վերաբերյալ հանրաքվեն տեղի կունենա դեկտեմբերի 6-ին: