Սյունիքի մարզպետ Սուրիկ Խաչատրյանը մտավախություն չունի, որ իրեն պաշտոնանկ կանեն: «Հո ես գույք չեմ, որ ինձ տանեն բերեն, ես մնալու եմ Սյունիքում, Սյունիքն ինձ համար թանկ է: Ես իմ ժողովրդի ծառան եմ, ծառայում եմ իմ ժողովրդին, իմ մնալու երաշխիքը գալիս է իմ ժողովրդից»,-NEWS.am-ի հետ զրույցում ասաց նա` անդրադառնալով իր պաշտոնի փոփոխության մասին լուրերին:
Հարցին, թե ինչու իր որդին չի ծառայում հայկական բանակում, նա պատասխանեց, որ նա տարկետման մեջ է: «Իմ որդին ծառայում է , ուղղակի տարկետման մեջ է, մայիսից ծառայելու է: Կտեսնեք, որ իմ որդին էլ գնալու է ծառայի: Իմ տղան Գորիսի Երկրապահների միության նախագահն ա, գնում ա առաջին գիծ, հանդիպում է զինվորներին, երիտասարդ երկրապահներին»,-ասաց Սուրիկ Խաչատրյանը:
Անդրադառնալով Սյունիքում տիրող վախի մթնոլորտին` նա ասաց, որ սյունեցին երբեք չի վախենում. «Իմ ընտանիքում քրեական արարք չկա, քննությունն ապացուցեց, որ նման բան չկա»:
