Թուրք-սիրիական սահմանին կատարվող իրադարձությունները խոսում են այն մասին, որ Թուրքիան ինտենսիվորեն նախապատրաստվում է ներխուժել Սիրիա։ Այս մասին ասել է ՌԴ ՊՆ պաշտոնական ներկայացուցիչ Իգոր Կոնաշենկովը, փոխանցում է «ՌԻԱ Նովոստի»-ն։
Նրա խոսքով՝ Սիրիայի տարածքում ակտիվ գործողությունների դիմելու համար Թուրքիայի ԶՈւ գաղտնի պատրաստությունների նշանները գնալով ավելի հաճախակի են նկատվում։
Նա նշել է, որ ավելի վաղ ՊՆ-ն միջազգային հանրությանը անհերքելի ապացույցներ էր ներկայացրել, որոնցում թուրքական ինքնագնաց հրետանային սարքավորումները գնդակոծում են Լաթաքիայի հյուսիսում սիրիական բնակավայրերը։
«Մեզ զարմացնում է, որ Պենտագոնի, ՆԱՏՕ-ի եւ բազմաթիվ այսպես կոչված մարդու իրավունքները պաշտպանող կազմակերպություններ, չնայած այդ գործողություններին արձագանքելու մեր կոչերին, մինչեւ հիմա լռում են»,- ասել է նա։
