Երեւանի 20-ամյա բնակիչ Վահե Հակոբյանը բերման է ենթարկել բանկոմատից գումար կանխիկացրած կնոջը հարվածելու եւ նրան կողոպտելու կասկածանքով: Այս մասին NEWS.am-ը տեղեկանում է ոստիկանությունից:
Պարզվում է՝ Վահե Հակոբյանը, դեպքի օրը Թումանյան փողոցով անցնելիս, նկատել է, որ մի կին բանկոմատից գումար է կանխիկացնում, սպասել է մինչեւ կինը գումարը դրել է դրամապանակը, հարմար պահ գտել ու անցել է հարձակման:
Ըստ ոստիկանության՝ Վահե Հակոբյանը բռունցքով հարվածել է կնոջ գլխին, խլել դրամապանակն ու բջջայինը եւ դիմել փախուստի: Վազելիս հեռախոսը ձեռքից ընկել է, շփոթված Հակոբյանը վազել է ոստիկանական պահակակետի մոտով, որտեղից էլ իրավապահները հետապնդել եւ բերման են ենթարկել նրան:
Նախապատրաստված նյութերով հարուցվել է քրեական գործ՝ կողոպուտի փորձ կատարելու հատկանիշներով:
Վահե Հակոբյանը կալանավորված է:
Մանրամասները՝ ոստիկանության տեսանյութում