Կանադան մտադիր է մինչեւ փետրվարի 22-ը դադարեցնել «Իսլամական պետություն» ահաբեկչական խմբավորման դեմ ռազմական գործողություններին մասնակցությունը: Այս մասին փետրվարի 8-ին Օտտավայում հայտարարել է Կանադայի վարչապետ Ջասթին Թրյուդոն:
CBC հեռուստաալիքի փոխանցմամբ, Կանադան, միաժամանակ, կավելացնի իրաքյան զինվորականների վերապատրաստմանը մասնակցող իր զինծառայողների թիվը:
Վարչապետը նաեւ հայտարարել է, որ Կանադան շարունակելու է նշանակալի դեր ունենալ ԻՊ-ի դեմ պայքարում: Խոսքը, մասնավորապես, ահաբեկիչների դեմ պայքարող տեղական անվտանգության ուժերին օգնող հրահանգիչների թվի ավելացման մասին է:
Բացի այդ, ըստ ՌԻԱ Նովոստիի, Օտտավան կմասնակցի նաեւ մարդասիրական առաքելություններին:
