Սիրիայում Ռուսաստանի ՌՏՈՒ-ի ավիահարվածների հետեւանքով իբր խաղաղ բնակիչների զոհվելու ապացույցներ չկան: Այդ մասին հայտնել է Ռուսաստանի նախագահի մամուլի քարտուղար Դմիտրի Պեսկովը` մեկնաբանելով Սիրիայում ռուսական ռմբակոծությունների հետեւանքով մարդկանց տառապանքների վերաբերյալ ԳԴՀ կանցլեր Անգելա Մերկելի խոսքերը, տեղեկացնում է ՏԱՍՍ-ը:
«Ինչ վերաբերում է Սիրիայում ռուսական ավիացիայի հարվածների հետեւանքով իբր մարդկային զոհերի առկայության մասին Գերմանիայի կանցլերի խոսքերին, անկասկած այստեղ անհրաժեշտ է ուշադրություն դարձնել այն հանգամանքին, որ չնայած նման հայտարարությունների հսկայական քանակությանը, մինչ այժմ որեւէ մեկը այս խոսքերի վստահության արժանի ապացույց չի ներկայացրել», — հայտնել է Պեսկովը:
Միաժամանակ նա հավելել է, որ Ռուսաստանը եւս մեկ անգամ կոչ է անում, «որ բոլորը Սիրիայի առանց այն էլ փխրուն իրավիճակում շատ ուշադիր եւ շատ պատասխանատվորեն օգտագործեն նման ձեւակերպումները»:
