Ռուսաստանի եւ ԱՄՆ արտաքին քաղաքական գերատեսչության ղեկավարներ Սերգեյ Լավրովն ու Ջոն Քերրին հեռախոսազրույցի ընթացքում կողմ են արտահայտվել Սիրիայում հրադադարի անհապաղ հաստատմանը եւ Սիրիային հումանիտար օգնություն ապահովելուն։ Այս մասին հայտնել են ՌԴ ԱԳՆ-ից։
«Մյունխենում փետրվարի 11-ին կայանալիք Սիրիայի աջակցության միջազգային խմբի նիստի ֆոնին ուշադրության կենտրոնում է եղել Սիրիայի խնդրի կարգավորման թեմատիկան։ Զրուցակիցները միասնական են հրադադարի անհապաղ հաստատման եւ Սիրիայի շրջափակված բնակավայրերին հումանիտար օգնություն ապահովելու հարցում։ Նրանք քննարկել են համապատասխան համաձայնագրերի հնարավորությունը ՄԱԿ ԱԿ 2254 բանաձեւի կատարման ենթատեքստում»,- ասել են ԱԳՆ-ից, փոխանցում է ՏԱՍՍ-ը։