News
Լրահոս
News
Երեքշաբթի
Մարտ 19
Տեսնել լրահոսը

Խաղադրույք անելով Ասադի տապալման վրա եւ հուսալով ԱՄՆ-ի կողմից մշտական աջակցության, Թուրքիայի նախագահ Ռեջեփ Էրդողանը հաշվի չէր առել, որ իրավիճակը կարող է արմատապես փոխվել եւ իր դեմ շրջվել, նշում է Public Radio International-ը:

Երկար ժամանակ Վաշինգթոնի պլանը  ցանկացած եղանակով` անպայման  Ասադի տապալմանը հասնելն էր, թեկուզ դա լիներ ապստամբներին աջակցելու կամ ՄԱԿ-ի բանակցությունների ընթացքում ճնշման աստիճանական ավելացման միջոցով:  Այնուամենայնիվ, այս պլանն այժմ հարցականի տակ է, հատկապես անցյալ շաբաթ ռուսական ՌՏՈՒ-ի աջակցությամբ կառավարական ուժերի Հալեպում տպավորիչ առաջընթացից հետո, գրում է պարբերականը:   

Էրդողանն ուզում է, որ Միացյալ Նահանգները Սիրիայի նկատմամբ կոշտ քաղաքականություն որդեգրեն, կանգնեցնեն ռուսական գործողությունը եւ թույլ չտան, որ ապստամբները վերջնականապես կապիտուլյացիայի ենթարկվեն Հալեպում, կարծում է Օկլահոմայի համալսարանի Մերձավորարեւելյան հետազոտությունների կենտրոնի տնօրեն Ջոշ Լենդիսը:  

«Թուրքիան զգում է, որ ԱՄՆ-ը եւ Եվրոպան երես են թեքել իրենից եւ իր անհեռատես մերձավորարեւելյան քաղաքականության հետեւանքով ինքը ձեռնունայն է մնացել»: Վաշինգթոնը, ամենայն հավանականությամբ, Սիրիայում «դուրս է գալիս խաղից», ինչը Ռուսաստանին հնարավորություն կտա հակամարտության մեջ առանցքային դեր խաղալ եւ արդյունքում տարածաշրջանում իր համար ավելի շահավետ իրավիճակ ստեղծել, նշում է Լենդիսը, տեղեկացնում է «ՌԻԱ Նովոստին»: 

«Թուրքիան կատաղել է, որովհետեւ նա հսկայական հույսեր էր կապել սիրիացի ապստամբների հետ: Նա վստահ էր, որ ԱՄՆ-ը, ինչ գնով ուզում է լինի, իրեն կաջակցի Ասադին տապալելու գործում: Բայց այժմ ամեն ինչ հանգում է նրան, որ Սիրիայի նախագահը կկարողանա վերանվաճել երկիրը եւ հաստատել իր իշխանությունը»:

Այդ դեպքում սիրիացի քրդերը, որոնք ամենից ավելի են անհանգստացնում  Էրդողանին, Դամասկոսում հովանավոր կունենան եւ ինքնավարության զգալի աստիճան ձեռք կբերեն, ինչը Թուրքիայի նախագահի վարչակարգը սպառնալիքի տակ կդնի, եզրափակում է վերլուծաբանը: 

 

!
Այս նյութը հասանելի է նաև   Русский
Տպել
Կարդացեք նաև
Ամբողջը
Իսրայելական տանկի անձնակազմը հոկտեմբերին Լիբանանում սպանել է Reuters-ի թղթակցին. Reuters
Իսրայելական տանկի անձնակազմը սպանել է թղթակցի...
Իրաքում «Ալ-Հաշդ ալ-Շաաբի»-ի շտաբի վրա անօդաչու թռչող սարքի հարձակման հետևանքով երկու մարդ է զոհվել և վեցը վիրավորվել
Բաղդադից արևելք գտնվող իրաքյան աշխարհազորային «Ալ-Հաշդ ալ-Շաաբի»-ի…
Անօդաչու թռչող սարքը հարված է հասցրել Հյուսիսային Իրաքում գտնվող ամերիկյան ռազմաբազային. Sky
Հարձակման պատասխանատվությունը ստանձնել է «Իրաքի իսլամական դիմադրությունը»...
ՄԱԿ-ը հայտարարել է, որ հարավային Լիբանանում ռազմական իրավիճակը դուրս է գալիս վերահսկողությունից
Սահմանամերձ շրջաններում ռազմական իրավիճակի վերահսկողությունից դուրս գալու վտանգավոր միտում կա...
Իրաքի արեւմուտքում գտնվող ԱՄՆ ռազմակայանը նորից ենթարկվել է անօդաչուի գրոհին
Անօդաչուն կրկին գրոհել է ամերիկյան ռազմակայանն Իրաքի արեւմուտքում...
Իրաքի նախագահը հայտարարել է, որ կկանչի Թուրքիայի դեսպանին Իրաքի տարածքին հասցված ավիահարվածների առնչությամբ
Իրաքի նախագահը կկանչի Թուրքիայի դեսպանին...
Ամենաշատ