«Ական փնտրող ռոբոտներ» մրցույթում այսօր՝ ապրիլի 16-ին, հաղթող է ճանաչվել Հայ-ռուսական (Սլավոնական) համալսարանի ուսանողներից եւ Fime Tech ընկերության անդամներից կազմված թիմը՝ պարգեւատրվելով 600 000 ՀՀ դրամով:
«Ռոբոտի վրա աշխատել ենք հինգ հոգով, որոնք հիմնականում ոլորտի մասնագետներ են: Մրցույթի ընթացքում հավաքեցինք 90 միավոր, մեր ռոբոտը ոչ մի ականի վրա չպայթեց»,-NEWS.am-ի հետ զրույցում ասաց հաղթող թիմի անդամ Հարություն Շմավոնյանը:
Հաղթող մասնակիցը նշեց, որ նմանատիպ մրցույթները կարեւոր են, քանի որ գնահատվում են աշխատանքի թերություններն ու առավելությունները:
«Հետագայում կփորձենք շտկել ռոբոտի բոլոր թերությունները, եւ կփորձենք սովորել մեր սխալների վրա»,-ասաց Հարություն Շմավոնյանը:
Մրցույթում երկրորդ պատվավոր տեղը զբաղեցրեց Գյումրին ներկայացնող Android թիմը՝ պարգեւատրվելով 400 000 հազար ՀՀ դրամով:
Digital Cloud թիմը զբաղեցրեց երրորդ պատվավոր տեղը, եւ պարգեւատրվեց 260 000 ՀՀ դրամով
Խրախուսական մրցանակի արժանացավ Վանաձորը ներկայացնող «Ականազերծողներ» թիմը՝ արժանանալով 100 000 ՀՀ դրամի չափով պարգեւի:
Այս տարի մրցույթին մասնակցում էին 11 թիմ՝ Երեւանից, Գյումրիից, Վանաձորից, Վեդիից, Սիսիանից, Գորիսից, Թալինի, Արցախից։ Թիմերից 9-ի կազմում ընդգրկված են միայն աշակերտներ, 2-ում՝ ուսանողներ
Նշենք, որ «Ական փնտրող ռոբոտներ» մրցույթն անցկացվում է Ինֆորմացիոն տեխնոլոգիաների ձեռնարկությունների միության կողմից՝ «Յուքոմ» ընկերության աջակցությամբ։