Ճապոնական ավտոմոբիլային Suzuki Motor եւ Nissan Motor ընկերությունները դիզելային շարժիչով աշխատող մի շարք ավտոմեքենաներում ազոտի օքսիդի նորմայի զգալի գերազանցում են հայտնաբերել:
Նորմայի գերազանցումն ի հայտ է բերվել 22 մոդելում, սակայն դրանք չեն թվարկվում: Մասնավորապես, Suzuki ապրանքանիշի մեքենաներում արտաժայթքման գազում ազոտի օքսիդի պարունակությունը 10 անգամ գերազանցում է նորման: Նորմայի զգալի գերազանցում է արձանագրվել նաեւ Nissan-ի մի շարք մեքենաներում, հայտնում է «ՌԻԱ Նովոստին»` վկայակոչելով Կիոդոյին:
Հայտնի է, որ Suzuki Motor ավտոընկերությունը իր մեքենաներում Fiat Chrysler Automobiles ընկերության դիզելային շարժիչ է տեղադրել:
Դիզելային շարժիչներով զինված մեքենաների արտաժայթքման գազերում ազոտի օքսիդի պարունակությունը ստուգելու որոշումը ճապոնական ավտոընկերությունները կայացրել են այն բանից հետո, երբ սկանդալ է բռնկվել Volkswagen գերմանական ավտոարտադրողի շուրջ:
